LE DUE FOTO SI TROVANO NEL SITO DI CESARE GRISI
Scialatilla ‘sa vuccuzza
Scialatilla sa vuccuzza, rumpaccilla la cucuzza
a Nicola c’a mundizza va scupannu d’ogni razza.
Si sapissi, arrasu sia quali brutta malatia
parturiscia gelusia!
Si tu giri mianzu mundu ad ogn’angulu di jjiazza
genti ‘ncazzunita e pazza si ndi trova mazzi mazzi.
Pedi chjatti e guaddrarusi cci su susu e cci su jusu;
surdi, musci e cicajiunu ad’ogn’angul’e purtuni;
ma di cchjù trov’a mmuntuni male lingue e casciottari
arrutati a ffoculari quandu curran’i vuttari,
e d’estati a ra frischera o a ra porta du pagghjaru.
- Sona, sona pecuraru ch’é bbenuta primavera
ppe’ dispiettu di jennaru ca ‘ndi ficia ra nivera. –
Tu ca scàrmini linazza, linu e lana ‘mienz’a jjiazza
scialatilla sa vuccuzza e divàcala sa vozza.
